ఆంధ్రప్రదేశ్‌లో మళ్లీ కోవిడ్ కేసులు – ప్రజలు అప్రమత్తంగా ఉండాలి
ఆంధ్రప్రదేశ్‌లో మళ్లీ కొన్ని కొత్త కోవిడ్-19 కేసులు నమోదయ్యాయి. గత కొంతకాలంగా శాంతంగా ఉన్న పరిస్థితి, ఇప్పుడు మళ్లీ కొద్దిగా ఎలెర్ట్ అవాల్సిన స్థితికి వచ్చింది. రాష్ట్ర ఆరోగ్య శాఖ తాజా నివేదిక ప్రకారం, ఇతివేళ నాలుగు కొత్త కేసులు వెలుగులోకి వచ్చాయి.
ఎక్కడ కేసులు నమోదయ్యాయి?
- విశాఖపట్నంలో ఒక మహిళకు కోవిడ్ పాజిటివ్ వచ్చింది.
ఆమె కుటుంబసభ్యుడు మరియు చికిత్స చేసిన వైద్య విద్యార్థికీ కోవిడ్ పాజిటివ్‌గా తేలింది.
- కడప జిల్లాలో 75 ఏళ్ల వయస్సున్న ఓ మహిళకు జ్వరం వచ్చిన తర్వాత పరీక్షలు చేయగా, ఆమెకు కోవిడ్ పాజిటివ్ అని నిర్ధారణ అయింది.
ప్రభుత్వం తీసుకుంటున్న చర్యలు:
- విశాఖపట్నం VIMS హాస్పిటల్‌లో 20 పడకలతో కోవిడ్ ప్రత్యేక వార్డు ఏర్పాటు చేశారు.
- రాపిడ్ టెస్టింగ్ కిట్లు, మందులు సిద్ధంగా ఉంచారు.
- బాధితుల కాంటాక్ట్‌లను గుర్తించి, డోర్ టు డోర్ సర్వేలు చేస్తున్నారు.
- ప్రజలకు మాస్కులు ధరించమని, భౌతిక దూరం పాటించమని అధికారులు సూచిస్తున్నారు.
ప్రజలు జాగ్రత్తగా ఉండాలి:
- జ్వరం, దగ్గు, శ్వాస సంబంధిత సమస్యలు ఉన్నవారు వెంటనే ఆరోగ్య కేంద్రంకి వెళ్లాలి.
- ఎక్కువగా గుమికూడే ప్రదేశాలకు వెళ్లకుండా, అవసరమైతే మాస్క్ ధరించి వెళ్లాలి.
- అధికారిక ఆరోగ్య శాఖ సమాచారం ఆధారంగా మాత్రమే నమ్మకాలు ఏర్పరచుకోవాలి.
ప్రస్తుతం ఆంధ్రప్రదేశ్‌లో కోవిడ్ కేసులు పెద్ద సంఖ్యలో లేవు. కానీ కొన్ని కేసులు వెలుగులోకి వచ్చినందున, జాగ్రత్తలు తీసుకోవడం చాలా ముఖ్యం. కోవిడ్ పూర్తిగా ముగిసిందనుకోవడం కాకుండా, ఇంకా కొంత అప్రమత్తత అవసరం. మన భద్రత మన చేతుల్లోనే ఉంటుంది.
