వివాహేతర సంబంధం ఎంత దారుణానికి దారి తీస్తుందో మేఘాలయ ఘటన ఉదాహరణ
పెళ్లి జీవితాన్ని పవిత్రంగా భావించాల్సినప్పుడు, ఆ బంధాన్ని దుర్వినియోగం చేస్తూ తీసుకున్న నిర్ణయం ఓ వ్యక్తి ప్రాణాన్ని బలిగొంది. ఇండోర్‌కు చెందిన కొత్తగా పెళ్లైన యువకుడు రాజా రఘువంశీ హనీమూన్‌లో భార్య చేతిలోనే ప్రాణాలు కోల్పోయిన ఘటన దేశవ్యాప్తంగా శోకాన్ని కలిగించింది. ఈ హత్యకు వివాహేతర సంబంధంనే కారణంగా మేఘాలయ పోలీసులు భావిస్తున్నారు. ఇది పెళ్లికి బయట సంబంధాలు ఎలా ప్రమాదంగా మారుతున్నాయో స్పష్టంగా చూపిస్తోంది.
ప్రేమ పేరుతో వ్యభిచారం – భర్త ప్రాణాలే తీసింది
రాజా తన భార్య సోనమ్‌తో కలిసి మే 20న హనీమూన్ కోసం బయలుదేరారు. కానీ ఇది నిజంగా ఒక ప్రణయ యాత్ర కాదు, పూర్వ ప్రణాళికతో చేసిన హత్యయాత్రగా మిగిలిపోయింది. పోలీసులు చేపట్టిన దర్యాప్తులో సోనమ్, రాజ్ కుష్వా అనే వ్యక్తితో అవినాభావ సంబంధంలో ఉన్నట్లు బయటపడింది. ఈ తప్పుడు సంబంధానికి అడ్డుగా ఉన్న భర్తను తొలగించాలని ఆమె ప్లాన్ చేసినట్టు దర్యాప్తులో వెల్లడైంది.
నమ్మకాన్ని ఛిద్రం చేసిన భార్య
పెళ్లైన మూడు రోజుల్లోనే భర్తపై విశ్వాసం వదిలి, మాజీ బాయ్‌ఫ్రెండ్‌తో కలిసి కుట్ర చేయడం పట్ల రాజా కుటుంబం తీవ్ర ఆవేదన వ్యక్తం చేస్తోంది. రాజా సోదరుడు విపుల్ మాట్లాడుతూ – “ఆమె తల్లి మాట వింటే, ప్రేమ పేరుతో నీచమైన పని చేయలేదు. మా అన్నను కాపాడేదే” అని కన్నీటి పర్యంతమయ్యారు.
హనీమూన్ ప్లాన్ వెనక కుట్రే?
ఇద్దరూ మొదట గౌహతిలోని ప్రసిద్ధ కామాఖ్యా దేవాలయానికి వెళ్లాలని అనుకున్నారు. కానీ అకస్మాత్తుగా మారిన ప్రణాళికతో మేఘాలయకు వెళ్లారు. అక్కడే మే 23న రాజా కనిపించకుండా పోయాడు. జూన్ 2న అతడి మృతదేహం ఓ లోయలో లభించింది. గొంతునుపురేగేలా కత్తితో గాయాల ముద్రలు కనిపించాయి. ఇవన్నీ చూసిన పోలీసులు ఈ ఘటనను అసాధారణంగా పరిగణించి విచారణ ప్రారంభించారు.
ఇలా ఎప్పటి వరకు?
ఈ సంఘటన నేటి సమాజంలో పెరుగుతున్న వివాహేతర సంబంధాల ప్రమాదకర వైఖరికి ఓ ఉదాహరణ. ప్రేమ పేరుతో పెళ్లికి ద్రోహం చేయడం, జీవిత భాగస్వామిని హతమార్చే స్థాయికి వెళ్లడం నిజంగా మనుషుల మానసిక స్థితిని ప్రశ్నించేలా ఉంది. ఇది వ్యక్తిగత జీవితాలనే కాదు, కుటుంబాల్ని కూడా నాశనం చేసే మార్గం.
పోలీసులు ఏం చెబుతున్నారు?
జూన్ 8న సోనమ్, రాజ్ ఇద్దరూ ఉత్తరప్రదేశ్‌లో ఓ హోటల్ వద్ద కనిపించి, పోలీసులకు లొంగిపోయారు. ఇద్దరినీ కస్టడీలోకి తీసుకుని విచారిస్తున్నామని మేఘాలయ అధికారులు తెలిపారు. సోనమ్ చేసిన ఈ ఘాతుకం మీద సర్వత్రా ఆగ్రహం వ్యక్తమవుతోంది.
