దర్శకుడు ఎస్వీ కృష్ణారెడ్డి పుట్టినరోజు వేడుకలో జరిగిన ఒక ఘటనపై సినిమా వర్గాల్లో పెద్ద చర్చ జరుగుతోంది. ఈ వేడుకలో సీనియర్ నటుడు రాజేంద్ర ప్రసాద్ చేసిన కొన్ని మాటలు, హాస్య నటుడు అలీని ఉద్దేశించి అన్నట్లు అనిపించడంతో, సోషల్ మీడియాలో విమర్శలు వెల్లువెత్తాయి.

ఈ విషయం తెలిసిన అలీ, ఒక వీడియో ద్వారా తన అభిప్రాయం చెప్పాడు. అలీ ఏమన్నాడంటే –
“రాజేంద్ర ప్రసాద్ గారు అప్పుడు సరదాగా మాట్లాడారు. అలా ఉద్దేశపూర్వకంగా ఏమీ అనలేదు. కాస్త పొరపాటుగా మాట వచ్చింది. మీడియా వారు ఆ మాటలను పెద్దగా చూపిస్తున్నారు. ఆయన ఒక మంచి మనిషి. ఇటీవలే ఆయన కుటుంబంలో ఒక విషాదం జరిగింది. మనం ఆయన పరిస్థితిని అర్థం చేసుకోవాలి. ఈ విషయం ఇంతటితో ఆపేద్దాం,” అని అన్నాడు.

అలాగే, రాజేంద్ర ప్రసాద్ గారూ ఈ విషయం గురించి స్పందిస్తూ –
“నేను ఎవరి మనసును బాధించాలనుకోలేదు. నా మాటలను కొంతమంది తప్పుగా అర్థం చేసుకున్నారు. కానీ నా మనసులో ఎవరిపట్లా చెడు లేదు. నేను సరదాగా ఉండే మనిషిని, అంతే,” అని చెప్పారు.

https://www.instagram.com/p/DKZBo1pxhHw/?utm_source=ig_embed&utm_campaign=embed_video_watch_again