గద్దర్ అవార్డ్స్‌ గెలిచిన అల్లు అర్జున్ – ప్రభుత్వానికి కృతజ్ఞతలు తెలిపిన స్టార్ హీరో
హైదరాబాద్‌: ప్రముఖ హీరో అల్లు అర్జున్ గద్దర్ తెలంగాణ ఫిల్మ్ అవార్డ్స్‌లో ఉత్తమ నటుడిగా ఎంపికయ్యారు. ఈ అవార్డును తెలంగాణ ప్రభుత్వం ప్రకటించడంతో, అల్లు అర్జున్ హర్షం వ్యక్తం చేశారు.
‘పుష్ప 2’ సినిమాలో తన నటనకు ఈ గౌరవం దక్కడం ఎంతో సంతోషంగా ఉందని బన్నీ అన్నారు. “ఈ అవార్డు నాకు మాత్రమే కాదు, మా దర్శకుడు సుకుమార్‌, నిర్మాతలు, పుష్ప టీమ్‌ అందరికీ చెందుతుంది. ఇది నా అభిమానులకు అంకితం” అని ఆయన ఎక్స్‌లో (Twitter) స్పందించారు. అలాగే ఈ అవార్డుకు తనను ఎంపిక చేసినందుకు తెలంగాణ ప్రభుత్వానికి హృదయపూర్వకంగా ధన్యవాదాలు తెలిపారు.
ఈ గద్దర్ అవార్డులు ప్రతి సంవత్సరం ఉత్తమ సినీ ప్రతిభను గుర్తించేందుకు ఏర్పాటు చేసినవిగా ప్రభుత్వం తెలిపింది. చిత్ర పరిశ్రమలో ఈ అవార్డులు మంచి పేరు తెచ్చుకుంటాయని సినీ ప్రముఖులు భావిస్తున్నారు.
