దీపికా పదుకొణె మరో పెద్ద సినిమా నుంచి తప్పుకుందా? కల్కి సీక్వెల్‌పై కొత్త వార్తలు
ప్రభాస్‌తో కలిసి వరుస భారీ ప్రాజెక్టులలో నటిస్తున్న బాలీవుడ్ స్టార్ హీరోయిన్ దీపికా పదుకొణె ప్రస్తుతం మరో కొత్త వివాదంలో చిక్కుకున్నారు. గతంలో ‘స్పిరిట్’ చిత్రానికి సంబంధించి టాలీవుడ్ దర్శకుడు సందీప్ రెడ్డి వంగా‌తో విభేదాల కారణంగా దీపికా ప్రాజెక్ట్ నుంచి తప్పుకున్న విషయం తెలిసిందే. తాజాగా ‘కల్కి 2898 A.D’ సీక్వెల్‌ విషయంలోనూ దీపికా పేరు మరోసారి వార్తల్లోకి వచ్చింది.
సందీప్‌తో ఢీ.. స్పిరిట్ నుంచి వైదొలిగిన దీపిక
‘స్పిరిట్’ చిత్రం కోసం మొదట ఎంపికైన దీపిక, షూటింగ్‌కు రోజూ కేవలం 8 గంటలే వస్తానని, తాను తల్లి అయినందున ఎక్కువ సమయం ఇవ్వలేనని చెప్పినట్టు సమాచారం. అంతే కాదు, లాభాల్లో తనకు వాటా ఇవ్వాలని డిమాండ్ చేసిందని, దీనితో డైరెక్టర్ సందీప్‌కు అసహనం వచ్చి ఆమెను ప్రాజెక్ట్ నుంచి తప్పించినట్లు ఇండస్ట్రీ వర్గాల్లో చర్చ. తర్వాత ఆమె స్థానంలో ‘యానిమల్’ ఫేమ్ త్రిప్తి డిమ్రిని తీసుకున్నాడు వంగా. అంతేకాక, కథ లీక్ అయిన విషయాన్ని పరోక్షంగా దీపికకే ఆరోపించినట్టు వంగా వ్యాఖ్యానించడమూ చర్చనీయాంశమైంది.
ఇప్పుడు కల్కి సీక్వెల్‌లోనూ తేడా?
తాజాగా దీపికా కల్కి 2898 A.D సీక్వెల్‌ షూటింగ్‌లోనూ అదే తరహా పనితీరు షరతులు, పారితోషికంపై డిమాండ్లు చేస్తున్నట్టు వార్తలు చక్కర్లు కొడుతున్నాయి. దీంతో ఆమె పాత్ర నిడివి తగ్గించాలన్న ఆలోచనతో చిత్ర బృందం ఉన్నట్లు, లేదంటే మరోసారి త్రిప్తి డిమ్రిని ఆమె స్థానంలో తీసుకోవాలన్న చర్చలు జరుగుతున్నట్లు ఫిల్మ్ సర్కిల్స్ లో వార్తలు బయటపడ్డాయి. అయితే దీనిపై అధికారికంగా ఎలాంటి స్పష్టత రాలేదు.
త్రిప్తికి డబుల్ ఛాన్స్ – క్రేజ్ రెట్టింపు
ఇప్పటికే ‘స్పిరిట్’ కోసం త్రిప్తిని ఎంపిక చేయగా, ఇప్పుడు ‘కల్కి’ సీక్వెల్‌ లోనూ ఆమెకు అవకాశం వస్తే, ప్రభాస్‌తో వరుసగా రెండు భారీ సినిమాల్లో నటించే ఛాన్స్ దక్కినట్టే. దీంతో త్రిప్తి క్రేజ్ పాన్ ఇండియా స్థాయిలో బాగా పెరుగుతుందనే అభిప్రాయం ఉంది.
కల్కి 2898 A.D – బ్లాక్‌బస్టర్ విజయం
నాగ్ అశ్విన్ దర్శకత్వంలో వచ్చిన కల్కి 2898 A.D సినిమా 2024లో విడుదలై పెద్ద హిట్‌గా నిలిచింది. అమితాబ్ బచ్చన్, దీపికా పదుకొణె, కమల్ హాసన్, దిశా పటానీ ముఖ్య పాత్రల్లో నటించారు. ఈ చిత్రం ప్రపంచవ్యాప్తంగా 1000 కోట్లకు పైగా కలెక్షన్ సంపాదించింది. డైలాగ్స్‌ను సాయి మాధవ్ బుర్రా రాయగా, సంగీతాన్ని సంతోష్ నారాయణన్ అందించారు. ఈ చిత్రాన్ని అశ్వినిదత్ నిర్మించారు. మొత్తం కలిపితే, ఇది ఒక పెద్ద విజయం అయింది.
దీపికా పదుకొణె వ్యక్తిగత కారణాలు, ప్రొఫెషనల్ డిమాండ్ల కారణంగా వరుసగా పెద్ద సినిమాల నుంచి తప్పుకోవడంపై అభిమానులలో మిశ్రమ స్పందన కనిపిస్తోంది. కల్కి సీక్వెల్‌ విషయమై అధికారిక సమాచారం ఇంకా రావాల్సి ఉంది కానీ, త్రిప్తి డిమ్రికి ఇదే టర్నింగ్ పాయింట్ కావొచ్చనే గుసగుసలు జోరుగా వినిపిస్తున్నాయి.
