యూట్యూబ్ నుంచి హీరోగా మారిన లక్ష్మణ్ టేకుముడి – ‘ది విండో’ సినిమా మొదలైంది
యూట్యూబ్ వీడియోలతో పాపులర్‌ అయిన లక్ష్మణ్ టేకుముడి ఇప్పుడు హీరోగా మారాడు. సినిమా థియేటర్ల దగ్గర ప్రాసలతో ఫన్నీ రివ్యూలు చేస్తూ సోషల్ మీడియాలో పేరు తెచ్చుకున్న లక్ష్మణ్, ఇప్పుడు ‘ది విండో’ అనే థ్రిల్లర్ సినిమాతో హీరోగా వెండితెరపై కనిపించబోతున్నాడు.
ఇప్పటికే తమిళం, కన్నడ భాషల్లో కొన్ని సినిమాలు, సీరియల్స్, యాడ్‌ల్లో నటిస్తూ బిజీగా ఉన్న లక్ష్మణ్, ఇటీవల తమిళ నటుడు ప్రదీప్ రంగనాథన్ సినిమాలో కూడా నటించాడు. ఇప్పుడు ఫుల్ లెంగ్త్ హీరోగా ఒక తెలుగు సినిమా చేయడం ఫ్యాన్స్‌కి పెద్ద సర్ప్రైజ్ అయింది.
ఈ సినిమా శనివారం పూజా కార్యక్రమాలతో ప్రారంభమైంది. హీరోయిన్‌గా కేరాఫ్ కంచరపాలెం సినిమాతో గుర్తింపు పొందిన నిత్య శ్రీ నటిస్తున్నారు. డైరెక్టర్ అవినాష్ కుమార్ ఈ సినిమాకి దర్శకత్వం వహిస్తున్నారు. ఆయన గతంలో కొంచం హాట్ కే వంటి సినిమాలు తీశారు.
లక్ష్మణ్ హీరోగా చేస్తున్న ఈ కొత్త సినిమాకు సంబంధించిన ఫొటోలు సోషల్ మీడియాలో వైరల్ అవుతున్నాయి. అభిమానులు ఈ కొత్త ప్రయోగంపై ఆసక్తిగా ఎదురుచూస్తున్నారు. రివ్యూల నుంచి హీరో వరకూ వచ్చిన లక్ష్మణ్‌కు ఇది ఒక ప్రత్యేకమైన మలుపు.
